قلبى الجريح
لسه خايف منك
بيترعش
لكن شئ من جوايا
خدنى منى ليك
قالى لازم تعترف
أنك تقدر تحب تانى
من جديد
أنت مش حتعيش
حياتك مرتين
هى عيشه واحده
عيشها وأنت جواك
الأمل
والسعاده بتتولد
فى أفضل حالاتها
بالأمل
بس أنت قرر تعترف
إنك تقدر تحب
ولا أنت خايف
علشان كبرت
ولا لسه مشغول
فى المتاهه
الحياه فعلا متاهه
بس حاول أنت
جرب تحب
أنا كنت زيك
جبان بخاف
لابس من الخوف
ألف وش
خايف يشوفنى
واقف عندها
ياه على الخوف
بيقتلك
بيخليك بألف وش
من الناس تخاف
من الظروف تخاف
من جواك خايف
بتترعش
منها هى كمان
بتخاف
فى يوم تغش
بس عمرك ماحتعيش
لحظه حنان وشوق
وعشق
طول ما قلبك جبان
وخايف
بيترعش
ولابس من الخوف
ألف وش وش.
(على عبدالباقى ٢سبتمبر٢٠١٧)
