طلة جبينك وقت بتطلي
مثل القمر بالليل لما يهل
نورك بيغزل للحلا حله
بسحر الانوثه الطاغيه ع الكل
فيكي شذا ورده وعطر فله
وغنج ودلال مبين على الحل
وبرقة البسمه بتتجلي
مثل الشمس عالكون لما تطل
شوق ودفا بالقلب بتغلي
ونبض القلب بيزيد ما بيقل
بيرفرف جناحات بيعلي
من فرحته وعا شفتك بيدل
اللي بخمر الحب مبتله
ما بتشبع وما بتزهق وما تمل
بصرخ ي تعثيري ويا دلي
يا ريتها تبقى معي وما تفل
حب وغرام وعشق بتقلي
يا روح قلبي انت ي مدلل
بلسم جروحي يا دوا العله
ترياق روحي وخاطري المعتل
يا ريتني من قبل مندله
عا حبك اللي للقلب محتل
تهمس همس الحان تغزل لي
مثل الحمامه اللي بتهدل هدل
بدعي اله الكون وبصلي
ومني وعد بالوعد ما خلي
خاتم باصبعها انا رح ظل
=== محمود شبيب ===
