قصيدة : (عشان مني)
عشان مني وكل ما
اشوفكو واحشني
بيجرى العمر واتغير
فاكركم وانتو ناسيني
وفاكر لما كنا عيال
تتوهنا استغماية
ونلعب برده مساكة
تكهرب فينا ضحكاية
ودى حكاية ما بنساها
وسايبة الصورة جواية
ونلعب بالعصاوعصفور
وكنت باسلم الراية
عشان خسران دموعى
كمان بتجرى تفر ويايا
اساتك ولا كوتشينة
وبلى مشحططه معايا
يشخشخ جوا فى جيوبى
ودى المتعة ودى الغاية
وفى الأزوز أنا محظوظ
مراية العمر نساية
لكن لما بشوف نفسى
تعيد الذكرى سرحاية
وكنت بحب بطن الزير
عشان اغطس ف شبراية
وابلل روحى وهدومى
وآخد علقة آه حكاية
وفاكر قاعدة الكتاب
وبسمة شيخى نسماية
وطول الحفظ انا مربع
إيديا ورجلى بكفاية
وبزايدة الملل صابنى
عصاية الشيخ دى جراية
ولما نسيت أنا اتمديت
وحلوة الفلكة دفاية
شريط العمر يتكرر
ويعرض فيلمه برواية
رواية حروفها محفورة
وف كتاب قلبى رغاية
تعيد الحزن والفرحة
تفضفض همها معايا
ولما كبرت أنا فجأة
لقيت الضلمة بكاية
كمان عازف بروحى كمان
ولحن القهر دا الغاية
.....................................
بقلمى/ #شاعرالمشاكل#
