قليل الأصل

 وصل للقصر ونسانى

وعدنى بفصل

ومصل الفقر وحبانى

شربت الفصل

وقلت النصر عنوانى

أتارى الوصل

بعد القصر شئ تانى

حرس للفصل

مابين القصر وعنوانى

ولو كترت

هغيب كام شهر وإنسانى

داعيشة الفقر

مليها الوصل مجانى

دا لو فكرت

أو دورت على الأصل نجانى

دا عيشة القهر

سببها سكوتنا على الجانى

وقولنا بفخر

غفلنى الظلم 

ورب العرش نجانى

خزلنى بجد

ونفسى سد 

وتوهنى عن الجانى

غلط فى العد

وبكرة مد 

إمتى هشوفها لون تانى

قعد وإتمد

وإيدوا مد 

خطف أملى وأحلامى

فسدنا  فسد

وخرج من فسده فساد تانى

حزنت بجد

لموت العهد 

وشوكه اللى جرح وجدانى

شهيدنا شهد

شهيد لشهادته  شهيد تانى

وآخر العهد

قتلنا البعد

 وأخويا اللى ربانى

قليل الأصل

فرمنا بضرس

وهضمنا بنفس معا التانى

...........وائل سعيد......