مافيش ياروحي مشكلة
لوحبة روحي اتجوزي
مادام بقينا أصدقاء بعد الفراق
وخلاص بقيت محرمة بعد الطلاق
ياللا نسافر لأجل ننهي عقدنا
نفس المكان هو هو اللي في يوم فرحنا ضمنا
فاتح ببناه لأجل يكتب عقدنا ويوزع الفرحة على كل الميدان
لما شاف حبنا بيزفنا
واحنا بنجري على السلالم وكأننا أطفال صغار
كل اللي رايح واللي جاي ضحك لنا
لما لقانا ماسكين إيدينا بقوة وماليها الحنين
والضحكة ترقص على الخدود ويا الشفايف مشتاقين
كنت باسبح جوة العينين المعسولين
وكأني ربان والسفينة حملاها أمواجك الدافية والحنين
الله يسامح
الله يسامح كل اللي غيروا قلوبنا وملوها عذاب
اللي استكتروا إن قلبي يحب غندورة وشباب
ويا اللي قالوا دي أد بنته وعيلة بكرة تفوق من الوهم وتنتبه
بكرة تعرف إنها بجد ضيعت أحلى السنين من عمرها في حضن شيخ
والشيخ حزين
مليان بأوجاعه وآلام
ماتنتهي ولاعمر نوح
دا لو يبوح
غير العيال والهموم وياالديون وحريم قايدها نار
بالذات لما شافوا العروسه حلوة ودمار
حبه في محاكم أسرة وفي أقسام البوليس
قعدات وللفجر وخناقات وعراك حامي الوطيس
وادي النهاية ---- بنفترق
وكل واحد بقه أجنبي
وكأننا ماعرفنا بعض طول السنين
ولاكنا يوم قلب واحد روح وساكنه جوة اتنين
كله في طريقه راح يدور على الرفيق
اللي يكمل معاه حياته والطريق
واسمع يقولوا اتقدم لها آه كام عريس
والأهل وافقوا ومبسوطين
شباب ومالي مركزه ومانقصه شئ
جايه تشاوريني وتقوليلي أرضى بمين
الكل دايب في الغرام مايهمه كام
غير إنه يمتلك العروسة الحلوة النزيهة
أم القوام ال معجباني ويقول بعمري راح اشتريها
بس ترضى ويتم القبول
الشقة كاملة والاساس ويا الجهاز
وأنا طول حياتي هاافرش لها رموش العزاز
كل دا جت حكت لي عليه
متشوقه ليوم تلاقي نفسها حقيقي فيه وليه
مشتاقة لعبير الشباب
لجمال قوامه السمباتيك
وقصة الشعر اللي تهد القلب وعنيه المعسولين
أكيد هايغرق في العسل اللي شايلاه جوه روحي من سنين
يمكن يرجع الضحكة اللي هربانه عني سنين
واشوف مواهبي في العشق ويدوق الحنين
بكفاية راح ادعي ربنا يبارك لك طول السنين
وتلاقي اللي يعوضك عني وأحسن ويكون حلو وكريم
عمري ماهاانسي جمايلك أيام ماكنا أسرة وعيلة قريبين
ولاهانسي إنك على الدوام أم لولادي وكنت سكني وعزوتي صاحبة ومعين
لكنها أقدار ومرسومة بساعات وحكمة ومعدودين
وأنا راضي رب بقسمتي وكلي يقين
وأقواها تاني بالرضا والله المعين
ومافيش ياروحي مشكلة لوحبة روحي اتجوزي
أعجبني
