قصيدة (((مش كفايه )))
مش يامه كانت طرحتك بيضه
ليه اتبدلت بسواد
ليه يامه فرحتك غابت
حزنك وهمك زاد
فوق سبع سنين م الحزن
ومن حداد ل حداد
شقى توب الليل كفايه
خلى لنور فجرك ميلاد
مش كفايه حزن يامه
مش كفايه ألوان سواد
كل يوم دموع بتنزل
ع الصبايا وع الولاد
ع اللى تايهيين جوا حضنك
والمغتربين بين البلاد
امتى يامه شمسك هتشرق
ليه غروبها وقته زاد
ارفعى راسك وعدى
يومها تبقى النار رماد
وامسحى دموعك كفايه
خلى للفرحه ميعاد
وازرعى ف شبابك أمل
خلى مابينهم وداد
يومها يملى الخضار خدودك
والفرح يومها يكون حصاد
والبسى توبك بلون كل فرحه
وكفياكى ألوان سواد
عيشتى يامه وعاش ولادك
يحرصك رب العباد
*************
الشاعر /هانى سرور
قيصار الكلمات
