أجمل بنت
................................
حلمت بيها يامه
أجمل بنت .
ماشفتهاش في الدنيا
ولا في اسبانيا
ولا امريكا
ولا في بلاد ابن ماريكا
ولا عدت على عين ثانيه
قالتلي
أنا في الجنه
قاعده بشوق بستنى
ولا عنك لحظه استغنى
إيه تاني تتمنى
قلتلها دا حلم
قالتلي حقيقه
قلت بلاش كدب
قالتلي بريئه
صحيت من النوم دورت عليها
ضحكت. يا لهفة قلبي عليها
ونمت بسرعه عشان ألاقيها
لاقيتهابتضحك دوبت انا فيها
أومال مين اللي انا حبتهم
ييجوا إيه جنبك إنتي
وغيرهم نسيوني و نسيتهم
وغيرهم مش عارف انساهم
لأ بصحيح إنتي حبيبتي
ضحكت أكتر يا رقتها
والنبي سكر يا حلاوتها
إيه اتمنى بعد ماشفتك
غير القاكي
ياللي شفتك
نسيت همي
بس معاكي.
................................
الشاعر الغناءي
مصطفى عبده
