فَتى أحْلامي

مِنْ لَمّا قابلتُه

حِلْيِتْ الدُّنْيا في عينَيّا

فَرَشْها وَرْد و فَرَحْ

وحَسِّسْني بالحُب والحِنِيَّة

كان عارِفْ إني

ما ليش حظ وكُلِّ

حَدّ عرِفْتُه أخد منّي

وغَدَر بِيَّا

وبْكُلِّ رِقَّة غَمَرْني

بإحْساسُه وفِكْرُه

وْ عَطَفْ عَلَيّا

وقالْ لي وَعْد ِمنّي

إني حاكون ليكي بَرِّ الأمانْ

و مُشْ حاسْمَحْ لِحَدْ

يْمِسِّكْ بِأذِيّة

وفَرَشْ لي الدنيا أغاني ولون

وِ بَقيتْ زَيِّ الطُّيور

فارْدة في السَّما جِناحَيّا

وِبهَمْسَة و لَمْسة مِنُّه

بَقى الكونْ مِلْكِ إيدَيّا

وانا جَنْبِ حبيبي 

يا ناس باحِسْ إنِّ

الدُّنْيا صْغَيَّرة عَلَيّا

لِأنُّه مَلاني أمَل

وِعْرِفْتِ إنُّه هُوَّ هْدِيِّتي

مِنْ رّبِّ العِبادْ لِيّا

وِصَرَخْتْ بأعْلى صوتي

يا ناسْ

ده راجِل أحْلامي وِكُلِّ ما لِيّا....  

*****فريال العبد******