*** جداب لكن كداب ***

اعز الاحباب   جداب

                 لكن كداب

بدون اسباب   غاب 

                وخلى العداب

********

وتراني في امره حاير

ما عارف اش صاير

نداري الهموم ونساير

** ونتسنى الجواب **

********

كان يخدم ويروج

يقول باغي يتزوج

لكن من بعد تعوج

** بدون اسباب **

********

كان يتصل ويعاود

يحكي في كلام ويواعد

حسبته عصفور يغرد

** وطلع غراب **

********

فارق الحلم نعاسي

والليل شحال قاسي

وما لاقي حد يواسي

** غابوا الاصحاب **

********

فين اللي كان سبابي

سباب جرحي وعدابي

غاب وسرق صوابي

** شهاد المكتاب **

الوحدة راها مصيبة

تخلي الحياة صعيبة

وما يفيد تعيد تجربة

** ولا عتاب **

********

شخت وشاب راسي

ساهي وديما ناسي

نحكي ونكلم كاسي

** ما نفع شراب **

********

وهانا نكابد و نداري

ونبوح للناس باسراري

يلا مت يجيب خباري

** ويقرا الكتاب **

***علوي اسماعيلي يزيد***