طول ما أنا جنبك
حاسس إنى فى قلب الجنة
والنار خايفة تقرب مني
حاسس صوتك لسه فى ودني
حاسس إن مشاعر حبك
لسه فى حضنى
أيوه بحبك أكتر منك
واسألى كل الناس عن حبى
طول ما عينيا بتضحك فيكي
عايش عمرى عشان أرضيكي
بصى يا عمرى الكون حواليكي
خايف لأحسن تهربى مني
وإن قولتلك إني بحبك
كلمة حب يا عمرى شويه
بصي يا عمرى كمان فى عينيا
هتلاقى رسمك صورة بتضحك
خلت كل الدنيا بتضحك من حواليا
أحلى ما فيكى يا عمرى صراحتك
وأنا مش عايش إلا لراحتك
اعتبريني الجنة بتاعتك
اطلبى تلقي الخير في ايديا
أنا مش عايش غير علشانك
لازم أحقق كـــــــل أحلامك
بصى يا عمرى النور قدامك
طول ما أنا جنبك
حاسس والله بالحرية
بعشق اسمك بعشق رسمك
بعشق حتى الدفء فى همسك
بعشق حتى سلامي فى لمسك
واتمناكى فى كون وحديا
طول ما أنا جنبك
كل هموم الكون يا حبيبى
هموم منسية
الشاعر / ناصر عبد المقصود
