صباح الخير يابرلمان-----كلمات الشاعر احمد جابر سويلم
صباح الخير يابرلمان
يلى فيك ناش همام
ناس اساتذه فى الكلام
وناس تطير حمام
وناس ماتعرف الدولار بكام
البلد محتاجه ناس عفيه
مش محتاجه ناس هفيه
فين وعودكم للشعب فين
كل دايره نصيبها فين
صوتكم عالى عالى فين
صوتكم راح منكم فين
الفقير يصرخ وانتم فين
فين طريئكم راح لفين
لو هلوم مش هلومكم
راح هلوم عالطبالين
اللى مات فيهم ضمير
شعب طيب علشان فقير
راح وصدق النصابين
وانتخب ناس كتيره وكدابين
كنا فاكرينكم منصفين
مهما اصرخ صوتى رايح
شعبنا بحب الضرايح
والحكومه تعظيم سلام
فى الكراسى قاعدين تمام
والرشاوى تمنها كام
والحساب عند الفقير
والرئيس الله فى عونه
كل ما يغير حكومه
هى هى فوله
يبقى دور الشعب لسه
فى الرشاد عايزله حصه
مش كلام على المنصه
والقانون لساته نايم
اصله ماطلعشى لسه
لجل مانفوق ونصحى
الضمير من نومه يصحى
والعداله تبقى فصحى
البلد بادينا تعلى
والرشاوى عنا تعمى
والادب فى العلم اولى
والحكومه دورها يصحى
والرئيس وياه نصونه
حمله اثقل من قصوره
ربى قادر يصونه
صباح الخير يابرلمانا
صباح الخير غيرت حالنا
