خواطر بعنوان: ( ٳوعى تبكى )
ٳوعى تبكى لأحسن أبكى
والبكاء في حياتنا ساري
ده البكاء نعمة وميزة
والدليل انظر لحالي
اى فارق ساب جراح
والطريق من بعده خالي
والحياة بسمة وامانى
واللي باقي حب فاني
كان حبيبي وكان نصيبي
كان ده ماضي رمز غالى
الوفاء في حياتنا عملة
للي بايع واللي شاري
لو بكيت الناس هتبكى
واللي جاحد شئ خيالي
ازرع أمل وٳنشد اغانى
ويارب بارك في اللي باني
رمز الأصالة كلامه حاني
ووقت الشدة صديق مثالي
أرجوك تبارك وتسمى
وتعيش سعيد ومتهنى
ربى اعلم مافى ضميري
والجمال كنزي ودليلي
وأجمل منك مين يا قمر
مين اللي غاوي عذاب وسهر
والله مش لازمة الأحزان
في رب غفور اسمه الرحمن
هيبدل الحزن بأنغام
أمل فرح والباقي أمان
قيراط سعادة ونبع حنان
مين ده اللي يستجرى يهدك
اوحتى يطمع ويصدك
يامسير الكون على أدك
والبسمة كانت على خدك
بشرى وصارت من حدك
ٳنسى خالص اى الآم
الناس بتحلم لما تنام
بقلم محمد عباس معلم الإسماعيلية
