الخوف لما زاد
قفل الودان والفم
لو هيبعوك فى مزاد
مش فرقة برضو ياعم
الصبر لجل الواد
يعيش حياة بلا غم
لكن انتظارنا زاد
ودايما آخرها غم
غربة لكل بلاد
فيها الكرامة شم
كسر الخاطر يا ولاد
بيزيد فى حرق الدم
زوار ليالى جاد
خبوا الوشوش والدم
والتهمة فى الاى باد
والهارد ديسك زم
هو الأمان لو غاب
الظلم يبقى له فن
يكسر الأبواب
من غير أوان او رن
ارادتنا تبقى سراب
والحق نخده من
طول ما الفراق غلاب
خنقنا سكينه سن
فتح عينيك يا شباب
واياك تكون م الصم
خد وادى بالاسباب
ما تخاف سجون ولا بم
انت الحاضر لو غاب
انت الودان والفم
........وائل سعيد........
