بعشقك
أنا بعشق حرف أسمك
وبعشق رسم جسمك
الكل خافوا من لمسك
والشعراء أحتاروا فى أوصافك
ويحسدك كل من شافك
وأنا ال بأيدى مجدافك
حاربت الدنيا علشانك
وهحاسب كل من خانك
تاريخك يحكى ووجودك
عن كل غازى لحدودك
البردى يروى أمجادك
فناره لكل أحفادك
أنا جدار الصد عن حدك
بغير لما يذكروا أسمك
ويلمسوا شبر من جسمك
أنا رسمى من رسمك
والنيل بيشق أركانك
والخير يعم وديانك
و لو طغى الليل على نهارك
بالشمع هنور أيامك
ويبزغ فجر بستانك
ينور كل أيامك
وهبنى هرم جنب أهرامك
وهزرع وأعلى بنيانك
مناره لكل خلانك
جيناتى تبقى من صُلبك
انت عروسه مين قدك
ملناش عيشه من بعدك
هيرفرف فى الوجود علمك
وأوعدك هصون عهدك
لو مُت
ملايين هيكملوا وردك
ملايين هيكملوا وردك
بقلم كابتن |سعيد عبد العزيز الحاجه
