رباعيات
.........
عمر الفقر مابيعيب صاحبه
ياما الفقر صنع رجال
العيب ف شيطانه يوم ساحبه
وبقت العوده شبه محال
.........
حاسب من صاحب كذا وش
بيغير جلده كما حيه
عايش طول عمره ع الغش
ولو يرفع يده ولك حيا
............
يا ولدى لا تصاحب خوان
لو وحدك هتعيش ف محلك
ولا عمره للعشره ان صان
و ان جات له الفرصه هيذلك
.........
مهما الفقر ف يوم ان حل
و م الهم الانسان ما يفوق
ولا عمرك يا اصيل تنذل
راسك دايما بصه لفوق
.....................................
محمد مكاوى
عضو رابطة الزجالين وكتاب الاغانى
