قصيدة
بعنوان
أوجاع دفينة
الشاعر .د.مراد. بن علي
.................
حاجات كثيرة في القلب مخبيها
دموع وألم ما حد يعلم بيها
كي تتحرك لرياح واتناجيها
تحرك سحاب ثقيل
تحاكي عمر طويل
ساكنتو جروح........... شي داويها
حوايج كثيرة في القلب مخبيها
مخبي... كلام زمان
الحزن.... والكتمان
مخبي جناح الطير...... طاير بيها
حوايج كثيرة في القلب مخبيها
ياقلبي العاشق.... في دقاتك
في صمتك آناتك أو وجعاتك
أحكي علي مخبي في آهاتك
بوح بالمكنون............ وارجع بيها
حوايج كثيرة في القلب مخبيها
إنحب إنبوح .........بلي فيا
دمعي في كلامي يعز عليا
تعيس نضحك التعاسة مخبيها
حوايج كثيرة ..في القلب مخبيها
كل أصحابي............ يحسدوني
على خفت دمي و على جنوني
لو كان جاو ......يعرفو مكنوني
البحار تنزح وادموعي غارق فيها
حوايج كثيرة في القلب مخبيها
كل الجروح...
كل الجروح
تنشاف............. ولو بالعتمة
وأنا جروحي....
ساكنة الآهات وسط العتمة
نخرج إنبوح بيها فسط العتمة
ونمزجها ألوان......... نبكي عليها
حوايج كثيرة في القلب مخبيها
حوايج كثيرة...
إنختمت....إنختمت............. فيا
صبغت بروحي...
دفنتها.................... جواجية
لا نحكي بيها....
.لا لأمي...................و لا لأبي
تعيش ...في الآهات
واتموت في الآهات
مخبيها مخبيها.. ما نحكي عليها
حوايج كثيرة في القلب مخبيها
دموع وألم ما حد يعلم بيها
