صلاة الجنازة
،،،،،،،،،،،
لما تموت الضحكه على الشفايف
ودموع العين تكوى القلب والخد
لما الولد يبات وسط دموعه خايف
واللي بنااااه بسنيين قدامه يتهد
الكل واقف يتفرج كأنه مش شايف
و تتوه الحقيقه بين الكذب والجد
لما ضهرك ينحني والظلم واااااقف
ولو سألت متلاقيش لسؤااااالك رد
تعيش ميت ولوتتكلم تكون مخالف
وجلادك ف قصره يشم ريح الورد
ممنوع الحلم هناو الأمل أكيدعارف
واللى ينسي ويحلم بحلمه يتجلد
الشيطان واقف على المفارق وحالف
لويشوف ضحكةمن ولديموت الولد
والعقل لازم يكون نايم والفكر تالف
الخلاياميته والهوامش من غير عدد
ولو فى يوم الحق له ناس او معارف
ينداس الحق ويتكسر العون والسند
ولو قالولك يهودى ع الاقصى واقف
اوعاك تفكر تواجه مش هتلاقى مدد
ولو شفت صهيونى للبراق زااااااحف
ممنوع عليك تأذن وتصلي لله الأحد
واوعى يوم تفاخر بمجد عربي زايف
شوف العروبه متكتفه بحبل من مسد
عود العروبه إرتوى ذل وبقى ناشف
بيطرح عبيد يشبهووووك فى كل بلد
أقم الصلاة على الحدود والمشااارف
صلاة جنازه لعروبة بلا روح أو جسد
أيمن موسى
