أضحك لكم بأنهى وش . بقلم \ أحمد شاهين
الحوجه مُره والأمر
إنك بتتعشم
يخدوك لبحر ما له بر
تغرق وتستسلم
وإن جيت تعاتبهم
يلوموك
ويقولوا ما اتبسم
أضحك لكم بأنهى وش
ياللى وعدتونى
بس كفياكو خداع وغِش
دا انتوا خزلتونى
مش مره واحده بس.
لأ
دا يجى ألف مره
الحوجه مُره
لو ربنا إدانى
عمرى ما اكون زيكم
مش مادى وأنانى
ولا طبعى من طبعكم
المال دا مال الله
هنسيبه فى الدنيا
لازم الفقير يلقاه
ويعيش حياه تانيه
أضحك لكم بأنهى وش
ياللى وعدتونى
بس كفياكو خداع وغِش
دا انتوا خزلتونى
مش مره واحده بس.
لأ
دا يجى ألف مره
الحوجه مُره
ياللى رفعت إيديك
لربنا فى سماه
لازم يعيدها إليك
مطمنه برضاه
وبرزقه هيعينك
وما تتحوجش لحد
دا الكل ظالمينك
والظلم فاق الحد
وأضحك
لكم
بأنهى
وش.
كلمات \ أحمد شاهين
11 \ 7 \ 2017
