(((طاقية الإخفه )))

زمن محتاج طاقية الإخفه

علشان الهم يزول ويخفى

تعبنا ياناس فى الزمن ودوخنا 

مفيش رحمه فى قلوبكم تفرحنا

ربنا يسامحكم على جشعكم ويسامحنا

محدش مريحنا وشربنا المر  وتفحنا

الفقر نشفنا على عودنا وضلوعنا عصعصوا

لوكنا شوفنا معاكم عز كنا ربربنا وتختخنا

لكن الهم شيبنا قبل الآوان وكحكحنا

عملين زى الطير المدبوح

بنرفرف بجناح مكسور ونظر مكفوف 

وقلب ماليه الحسره والخوف 

وجوف ناشف من العطش ومجروح

وكله من عمايلنا وظلمنا فى بعضنا

فتح يابنى وشوف 

محتاج طاقيه الإخفه

علشان تهرب من الظروف 

وللا علشان تسرق كوم فلوس 

حتى لومعاك طاقيه الإخفه 

هتفضل برضه منحوس 

ماهما قالوا فى الأمثال زمان 

المنحوس هيفضل منحوس

 ولوعلقوا فى ديله فانوس 

كلمات/محمودصلاح السيد3/7/2017