قصيدة ..... // تعرف حبيبي
بقلم ....// عاطف بيومى محمد
تعرف حبيبي لما بشوفك
بحس اني اتولدت من جديد
ولما بسمع بس حنين صوتك
بحس ان الدنيا كلها عيد
والفرح ساكن ضلوعي
واسمك هو زينه النشيد
نظرة عيونك بتسحرني
وحبك بيجرى فى الوريد
والله ده لو كان بأيدي
لنشرت حبك ف البريد
وخليت الدنيا كلها تتعلم
الحب حتي لو كان بعيد
العشق مش حاجه مستحيلة
ده داخل القلب دايما وليد
ده حبك مدينه ف ذكرياتي
حوط ع كياني بسور حديد
ف كل مكان دايما ف بالى
وبتكون من أول الحاضرين
انا بحمد ربي اني عسقتك
قبل قلبي نبضه يكون شهيد
وانا مستعد اضحي بحياتي
لأجل انت تكون سعيد..........؟
