لا مخنوق من قرايبى
ولا من حد خالص
والدنيا لونها وردى
والكل فى مولده هايص
دا لسان قلمى مودى
صاحبه فى المعاكس
هبصط مصطفى صحبى
وهتكلم فى الهجايص
الاهلى خاد الدورى
كم مرة فى المصايف؟
وسعاد بنت حسنى
انتحرت بحمر شفايف
والسيسى بعد مرسى
ملاك والكل عارف
والخير كتير فى بلدى
وسينا هادية خالص
فستان هيفاء يهدى
أخلاق شبابنا خالص
مفيش فساد فى بلدى
ولا رشوة وظلم خالص
ولا تزعل يا ابن خالتى
خليك ريلاكس خالص
لو شوفتك يوم معدى
هغض الطرف خالص
وانت يا بن عمى
خليك للقربى مالص
لا يهزك سفك دمى
وهيبتى فى الرخايص
ونقول للريح تعدى
وقسانا علينا دايس
اخلاصنا عطل فنى
بيبدأ من المدارس
اسلامنا ارهاب وهابجى
والبركة فى الدعايش
ارقش حصايا صاحبى
وعدوى عايزنى فاحش
انا شلت الفيس وهمشى
شيل جحا للجحايش
........................وائل سعيد......
