ايش السبب أشكيك وارجع أراضيك
لي قلب عالق في حبالك بشده
يزعل ويرجع بعد ساعه يواسيك
يطلب رضاك وانت الذي الحق عنده
يغضب ولكن غير قادر يجافيك
يرجع اليك لوﻻ الغﻻ ايش يرده
ياميت الاحساس روحي تناديك
والجفن بعدك ماتهنى برقده
شوف كيف حالي كلما مر طاريك
مثل العليل اللي المرض غاص كبده
مثل السجين اللي بخلف الشبابيك
محكوم بالاعدام والسيف بعده
ياعاشق الهجران طالت لياليك
ارحم معنى ضيع الهجر رشده
ليله ورى ليله حسبها تماتيك
بكره يكون لنا سنه مستعده
الى متى يتجرع المر هاويك
الى متى يسكب دموعه بخده
الشوق في قلبي يفكر أبد فيك
لو حب ينسى حرك الشوق وجده
أشواق تذبحني مع ذكر ماضيك
من ثقلها راسي تجافى المخده
مادريش ليش الشوق يابدر ناسيك
مادريش ليش الشوق أعطاك شهده
النوم يجفيني ويعشق معاليك
والشوق يعشقني ويجفيك حده
ياليت أدري ياقمر كيف أرضيك
ونعيد ذاك الوقت أنسه وسعده
وقت الذي كان الهنا من مساعيك
انت أبوه خاله وعمه وجده
وقت الذي كان التواصل مخاويك
وحضنك أمان القلب مايوم صده
ياناهب الارواح عندي رجا فيك
قلبي تعب وكثرة الشوق هده
ان كان باقي في فؤادك لنا شيك
هيا اصرفه محتاج نقده وعده
ون..كان أفلسنا فﻻ ذا وﻻ ذيك
وﻻ معي شي عندكم أسترده
قلها صراحه فالصراحه تنجيك
شاقنع وبطرح فوق ذكراك ورده
..بقلم/
بلغيث حسن ابو عمار الاهدل
