عيد الأب ( تجربة حرّة باللهجة اللبنانية)
سما ملوّنة بكلّ ألوان الدني
والشمس عمتغرب
ونجوم ناطرة دورها تطلع
و بعده القمر تعبان
متكي على الغيمات عمبيعدّ
الشمس مليون مرّة راحت و إجت
بعدها ما عمتتعب...
صيّاد راجع بكم سمكة و عم يسأل
اليوم السمك ما طلّ !؟
والهوا بلّش يدفّش شراع المركبة
يصوفر و يعلن قدوم العاصفة
و عالبرّ طلعوا سلاطعين الليل
والبوم فيّق ولاده على بكّير
وسرحت وطاويط عا الحقول
و رجعت عصافير الحبّ عالأشجار
و رجعوا دجاجات الجيران على القنّ
والديك غمّض عيونه...
و في بنت ناطرة بحضن إمها
عمتحلم بإسوارة و كيس نجوم
و صبي عميشخطر على الأوراق
عميكتب ( بحبّك يا بابا )
عدنان خليفة 2017
