عنوان:
كفاياكى شرب فى دم
........................
أنا من زمان مغرم بيكى
أنا ال عاشق سواد عنيكى
مشيت كتير على أراضيكى
بجرى وأنادى عليكى
يا أم الولد يا أم الشهيد
إبنك جبل إبنك وتد واقف وعصبه شديد
يا أم الشهيد الحى
إبنك ممتش وجاى
إبنك واقف يحميكى
يحمى أرضك يحمى نيلك يحمى تاريخك وعرضك
وبدل ما تصونيه إدتيلو ضهرك
شفتى الأمان حواليكى
دمه حلى ف عنيكى
ملحقش يفرح فيكى
يا مصر يا أمى
أنا مين يشيل همى
كفاياكى شرب ف دمى
إزاى هقوم أحميكى
وأنا جرحى لسه ما لمش
خايف ف يوم أحميكى
وأقف وأديكى ضهرى
ما أنا خايف من إديكى
وهيا ورا ضهرك
يا مصر خلصوا ولادك
كفاياكى شرب ف دم
#الجندى
