قصيدة....بعنوان/إيقاف التنفيذ
بقلم.../الشاعر عاطف بيومى محمد
اياك تحزن على اللى غاب
واللى مقدرش فيوم حبك
اوعي تندم انو باع
انت احمد بس ربك
ف الحياه مكنش ليك
وعمره كان هيبقى حدك
ارحم نفسك من الدموع
مين ف الدنيا يابني قدك
انت كشفت كل الموضوع
ان عمره ما حب قلبك
الحياه دى بتكون كفيله
تعرفك مين اللى عشقك
مين اللى يبيع ويشتريك
ومين اللى عايز يبقي جمبك
الدنيا دى مجرد مدرسه
والبشر فيها تلاميذ
الأيام هى التجارب
مفهاش إيقاف ف التنفيذ
ادرس فيها كل الساعات
ولا عمرك هتكون تلميذ
