قصيدة وطنية بعنوان(خدبإيدي)
بقلم الشاعر(عرفات الامير)
مصر قنا المراشدة/٢٠١٧/٦/١٤
===================
خد بإيدي عشان نكمل
الحلم إللي حلمناه يوم
مش بالساهل كدا نتعلم
الأول نصحي من النوم
مهما تقول بلسانك سلم
دا الكلام عندنا بالكوم
إبني طوبة وغيرك يكمل
===================
خد بإيدي عشان نكمل
الحلم إللي حلمناه يوم
دا العمار مش محتاج يوم
بإدينا بلدنا هانجمل
ماتقلش انا مش مسئول
علي سواعدك يلا وشمر
نبني لشمعتنا سور
================
خد بإيدي عشان نكمل
الحلم إللي حلمناه يوم
ومشاكلنا لازم نهمل
البلد محتاجة نسور
كل منا لعمله يتمم
بالعزيمة وقلب جسور
مصر الكنانة بتتكلم
===============
خد بإيدي عشان نكمل
الحلم إللي حلمناه يوم
إياكو تتقل عليكو حمول
دا ف جمالها الناس تتأمل
وبيشهد بجمالها الكون
آثار عظيمة ونهر النيل
وسماها ازرقها اللون
================
خد بإيدي عشان نكمل
الحلم إللي حلمناه يوم
دي الطيبة مالية قلوب ناسها
تقولش فانوسها مسحور
توراه انجيل قرآنها
أعطاها الله التكريم
ونصرها ف كل العصور
===================
خد بإيدي عشان نكمل
الحلم إللي حلمناه يوم
وجوا قلوبنا نوقرها
دي مصر ف عز أزمتها
وصوتك هايفرق كتير
يلا بينا نرد جميل
عشان ترجع ليها عافيتها
عشان مصر تكون بخير
خد بإيدي عشان نكمل
الحلم إللي حلمناه يوم
=============
