الحب الأول بقلم / أحمد شاهين
بحبها من إعدادى
ما هى دى حبى الأول
وحبها شئ مش عادى
مهما الفراق بينا يطوًل
تملى فى عنييا بريئه
وانا قلبى عمره ما يتحول
بحبها من إعدادى
مهما السنين بينا تعدى
صورتها عايش بناديها
وإيدي ما تفارق خدى
وكل لحظه أشتاق ليها
تملى فى عنييا بريئه
وانا قلبى عمره ما يتحول
بحبها من إعدادى
لو صدفه شافتها عنييا
نظرتها دايمآ تعاتبنى
وتقوللى إستنى شويه
بعدك ياروحى مدوبنى
تملى فى عنييا بريئه
وانا قلبى عمره ما يتحول
بحبها من إعدادى
يا سنين وفاتت من غيرها
دخلتى بيا فى دوامه
القلب ما بيشوف غيرها
لو ع الجمال دا كتير باما
تملى فى عنييا بريئه
وانا قلبى عمره ما يتحول
بحبها من إعدادى
ما هى دى حبى الأول
كلمات / أحمد شاهين
25 / 5 / 2017
