الحب عمره ما كان حكاية و لا كان موال الحب مش غنوة تتغنى و لا كلمة تنقال الحب لمسة حنان الحب لحظة امان الحب نية صافية و بسمة دافية تفجر فى القلوب بركان يبتدى حلم جميل فى ليلة صيف ينادى فيه قلب وحيد فى ضى القمر طيف لسه ما بانلوش فى الحقيقة شبيه انسان الحب يجمع بين القلوب من غير سبب مفهوم فى اى زمان فى اى مكان الحب ما لوش عنوان و فجأة يتجسد الحلم و يبقى حقيقة و يتجمع فرح العمر فى دقيقة و تمتد ثانية اللقا ازمان بس الحب بذرة ضعيفة ترويها المودة يوم عن يوم يكبر حبة بحبة و فى يوم تبقى الحبة شجرة واغلى حب فى الحياة حب اللى ادانا الحياة حب لما يستولى على القلب يوسع القلب يملاه حنية و يعلن حبه ما يبقاش قادر على المدارية يخليه يتمنى فرح و خير لكل الخلق من غير فرق غالى اوى حب الرحمن اجدعنوا بقا ادينا داخلين اهو على رمضان عجوز غاوى شعر مرقص اقلاديوس الى الاصدقاء الغاليين كل سنة و انتم طيبين و مصرنا الغالية مرفوعة الراس عالية الجبين