حادث عجيب (باللهجة اللبنانية)
دابو دواليب السيارة و خلصو البنزينات،
عمبدفشها على جنب و إتطلَّع عالبيت.
و إنتي بعدك ما طلّيتي ، و عن حالي بعدِك ما سألتي،
يا ضيعان الوقت الضايع ، و ياضيعان المصريّات.
...
عليّي عمبتشوفي حالِك ، ولا حتّى بخطر عا بالِك
و بعدها عمبتشتّي عليّي ، و ما خلصوا الغيمات...
تشتوشة متشتش و ثيابي إن عصرتهم بيعبّوا سطل،
و فوق الدِّكّة شرطوطة و زمامير السيّارات..
...
مقطوع و فيكي غرقان ،فجأة طلّيتي تشوفي،
شو اللي عامل هالعجقة ،و اللي نا تفلي صوفي ...
تضحّكتي و لوّحتيلي ،و ما بعرف شو قلتيلي،
نسيت اللي صاير فيّي ،و فرطت مسبحة حروفي...
...
فجأة لقيتِك صرتي تحت و جيتي لعندي،
قلتيلي تفضّل لعنّا نشّف ثيابَك...
و بتشرب كبّاية شاي ،و بترتاح شويّ،
ومازالك بعدَك عمتحلَم! ...كلّي عا حسابَك!
...
و فقت قبل ما أطلع ...هههههههههه.
عدنان خليفة 2017.
