مجروح
بس عيونهم
حسدوك
محسود ياقلبي
ومخلي
عيوني
تبكي
تملي
وحزنك مالو حدود
موجوع
ولا نافع وياك
ولا دكتور
ولا حتي بخور
من المك مقتول
والناس بتقول
انك مغرور
مظلوم
حسدوك يمكن علشان
فاكرين الاحزان
مالهاش فيك
ولا اي مكان
وبتضحك علي طول
ما شافوكش بتبكي
ولا لمحوا في عينك
مره دموع
علشان بتدوس
علي الاحزان وتعدي
وهما ما قدروش
مجروح
بس عيونهم
حسدوك
علشان بتداوي جراحهم
ماشافوش
الشوك تحتيك مفروش
مع انك شارب المر
وفي عروقك بيدوب
وكل دقيقه
بتموت
م الاهه والخوف
مجروح
بس عيونهم
حسدوك
........علاء زايد
