قصيدة بعنوان(المجنون)
بقلم الشاعر(عرفات الامير)
مصر/قنا/المراشدة/٢٠١٧/٥/٧
<<<<<<<<<<<<<<<<
قالوا الشعر لو منكوش
دي من علامات الجنون
إللي بيقول علي الظلام نور
وبيضحك وبقه مقفول
وبصوت عالي يزعق
وبعنيه الإتنين بيبحلق
ولو اتكلم في يوم بالمنطق
نقول عليه مخبول
ولو سألته عن الدنيا
أسئلة سطحية
مش غويطة
يقولك إنها عبيطة
ويخبطلك علي راسه
كام تخبيطة
ولو يوم طال راسك
راح يخبطهالك في حيطة
ويقول عليك مجنون
هو الجنون إيه غير
وجهة نظر مغلوطة
انت بتقول إنك علي
صواب
والدنيا كلها بتركب دماغها
وان انت دماغك تعبانة
الدنيا تقول السكر
ف الشاي يحلي
وهو يقول الشاي ع السكر
بيحلي
وانا واقف محلي
مستني الكلام بالدور
وبين المستورد والمحلي
حاجات ماتخطر علي
بالي ف يوم
ولو يوم نداني
لأنفخ له بلالين بالكوم
وقوطة مجنونة
بذرة ف لمونة
ولو الناس علي العقل
يلومونا
لنقول عليهم
واحد واحد
بالدور يامجنون
<<<<<>><<<<<<<<<<<
