........................ ..............مصر باقية...........
صورة مؤلمة صورة بتتكلم
صورة معبره بكل المعاني
جوايا شتلات المرارة بتتألم
والكلمات فرت من لساني
لا عارف أكتب ولا أقول
ولا الحروف مهاوداني
القلم في أيدي مشلول
ومش عارف أعبر بأحزاني
الصورة خلتني في ذهول
و معانيها جوايا وجعاني
ملعون ومليون ملعون
اللي يعمل عمل شيطاني
جبان لا له مله ولا دين
ولا له مكا ن في اوطاني
نور الفكر في العقول
ومسيحي ومسلم إخواني
عايشين مع بعض ع طول
انا جارهم وهما جيراني
و الإرهاب إستيراد دخيل
وعمر بلدنا ما كانت بتعاني
ومهما كانت أحزان النيل
ح يجينا العيد من تاني
وعمر الفرقه منا ما حتنول
ولا الدم يألم ورد بستاني
مصر باقيه وطن جميل
في حضن الرسول وقرآني
...........................................................
............. مشاعر/ حسن محمود .............
.........................................................
