مكنتيش في يوم عشقي
علشان على فراقي تبكي
دا عمر الاحلام ما بتدوم
ليه عايشه الوهم من بدري
خلاص كفايه نوم متصحي
دا الدنيا من حولك بتجري
ولسه فيا بتفكري صح النوم
ليه تعيشي في احلام بتكوي
لا عشمتك في يوم انا عمري
ولا قولت انت حبي ولك ودي
انتبهي دا جرح الوهم بيدوم
ليه تعيشي بين العتاب واللوم
تقديري ليك من زمان طبعي
طول عمري شايفك زي أختي
ليه تخلي قلبك يعيش محروم
و بوهم الحب يعيش مصدوم
بالدموع تعيشي حياتك تبكي
انت فاكره كدا خلاص بتحبي
والحب هيملى حياتك في يوم
ليه تحمليني ذنب مهوش ذنبي
ويعيش قلبك في حبي مظلوم
من الاوهام يلاه فوقي واصحى
بكره الايام تجبلك فرحه تدوم
والحب يناديك جايلك يجري
افرح لفرحك وده أمر محسوم
انا احساسي دايما انت اختي
من غير عتاب ومن غير لوم
================
خراااابيش
الشاعر محدي فرحات
