( عيد الأم)
عيد وجودك هل
وروحك انت ياروحى
جيه علينا تطل
وحياة مقام ربنا
ربى ورب الكل
ياام الحنان والهنا
انا قلبى تاه ف الضل
من يوم ما سبتى الدنا
وانا قلبى صار معتل
قوليلى ليه يامه
خدتى معاكى الفل
حتى العبير الزكى
مبقاش علينا يطل
كل الورود دبلت
والزهر مات وانسل
رب البشر وصى
سبحانه عز وجل
كمان رسولنا النبى
عمره ما مل وكل
وقال عليكى كلام
يبل ريقى بل
واللى يقصر معاكى
حتبقى عيشته خل
واللى ما يطلب رضاكى
تبت يداه تنشل.
( نبيل الوردانى)
