قصيدة اربطو الحزام
==============
بصراحه خــايف اتكلم
وبحــبس جوايا الكـلام
بــــس الـكــيل طــفـاح
والنقد بقا عيب و حرام
كـــل رئــيس يـجـي لنا
يـــقول اربــطو الحزام
==========
انا هربط الحزام المربوط
بس انت حيزامك مخلوع
بتاكل الاشى والمشمشى
وانا هموت من الـــجوع
اخــتشى عــيب اخــتشى
الشعب قهران وموجوع
==============
يا سيسى كفياك كذب
اصحا بقه وفوء
الشعب اتصدم فيك
وقلبه من قسوتك محروء
احنا قعدناك على كرسى
وانته فى الهبل بتسوء
=============
بنيت قصور الوهم
وسكنتها للى بينفقوك
الغرور عما عنيك
وكلامك تخوين وشكوك
بقيت انت بس الوطنى
والناس كلها بيحربوك
=============
الاسعار مولعه نار
والناس ظهرها اتحنا
ودولار اكل الجنيه
والاحطياطى ودايع عندنا
مشريعك طلعت بخار
وفى بحر الديون خرقتنا
=============
فين المليون فدان
فين المؤتمر الاقتصادى
فين المليون شقه
فين جهاز عبد العاطى
فين ملايين التفريعه
فين امن بلادى
===============
وان كنت زعلان من كلامى
رد عليه جنابك بواقعيه
متسيبشى كلابك تشتمنى
وتسب وتلعن فيه
دى بلدى زى ماهى بلدك
كفياك تفاهه وعنطظيه
==============
ضيعت الحلم الجميل
ومصيت دم الغلابه
انهارده بقولك يا فاشل
سلمت البلد لديابه
هوا انا سميتك دكر
عشان تخلي البلد غابه
============
انا الى زمان حبيتك
وشلت صورك على راسى
وعشان خاطر جنابك
عديت اهلى وناسى
قطفت انت الورد
وسبتنى مع الشوق اقاسى
=============
الشاعر مصطفى عبد المجيد
