من الاخــر
=====
من الاخر غرامك روحة فارض
جاوب قلبى نفسة للهوى عارض
جة شوقك موجهنى وانا شارد
حكم حبك على جناح الغرام فارد
وحبى دة مش لعبة
لا كلام هيام ومداعبة
مش خاطرة جابت فكرة
تزول بزوال اثر سكرة
وانا الدايب يجرفنى التيار اروح سايب
سايب روحى تطوف عندك وان اتعايب
اسلم لدوامتك روحى غريق
تلتهمنى نار الف حريق
لكن عارفة اية الطرفة
انك حتى ما حاسة
كل يوم اقول خلاص
تردى بنظرة لا لسة
لو عارفة دى مجرد اللمسة
بس انتى اة لو عارفة
على كدة كل ايامى معدية
يزيد عطش زهرة ما مروية
اتمنى حتى لو همسة
واحضانى بيك مدفية
من الاخر دة قلب بالغرام زاخر
ضناة حبك ولسةبالعشق بيفاخر
يبات يحلم بشروق شمس باودر
تتوة منة معانى الهمس وانا حاير
اجمع الحروف كلمة اطويها
اشوفك اتعلثم اروح مخبيها
تهيم الروح للنسيم تحكيها
ينادى الوجد عاشقها شاريها
من الاخر انا عاشق جرفنى الشوق
داريت شوقى هنا بقلبى ملانى حروق
ولسة عرامك هنا فارض
جاوب قلبى روحة عارض
بقلم الشاعر / حاتم صلاح انور
