حبيبي
أنا طبعا مصدقه
ان إحنا الاتنين
من بعد فرقه
وهجر حزين
وبلحظه صادقه
من بعد الانين
بقت لينا واقفه
مع وجع الحنين
شدتنا الخطوه
للقاءنا من جديد
وبساعه حلوه
العين في العين
بغنوه وفرحه
الايد في الايد
بمكان له ذكرى
لغرامنا السعيد
لا حيره ولا فكره
من الهجر الاليم
لقلوبنا وروحنا
والغياب البعيد
فرحه شايله فرحه
لليالي من جديد
جفت دمعه جارحه
وجرح كان عنيد
يا حبيبي
أنا لسه فاكره
اخر كلمه بينا
من قبل الفراق
قالتها قلوبنا
حبنا صعب يموت
لو تعبت الاشواق
من طول غيابنا
معانا مش فارقه
كل اللي مبينا
بيتولد من جديد
بمجرد ما اتقابلنا
بنعيش عمر سعيد
مجدي فرحات
