(على طريقه الراحل سيد مكاوى)طبله المسحراتى 

حكايه عماره

ياولاد بلدنا يا أماًرهْ 

هحكيلكم حكايه الواد عماره

الواد عماره شاطر شطاره 

ذاكر وأتخرج عن جداره 

لف وزاره ورى وزاره 

وملى 100 أستاره

لا جاب تأشيره ولا أمارهْ

سافر وأشتغل فى إماره 

وجمع ثروه تملى شيكاره 

قال أبنى مصنع جنب عماره 

راح الأداره 

قالوا لازم تأشيره من كام وزاره 

لف وزاره ورى وزاره 

وهو حاسس بالمراره 

وأتغيرت كام حكومه وكام وزاره 

وقالوا هنبعتلك إشاره

عدت سنين ومفيش أماره 

راح الأداره 

قالوا طلبك عند الحاجه سماره 

طيبه وأخر طهاره 

بس هى بالوزاره 

سأل فراش الأداره 

وهو حاسس بالمراره 

قالوا عيبك مش عيب أداره 

أستمارتك راكبه حماره 

فتح مُخك يا عماره 

قاعد ومستنى الأشاره ؟

طلع كام رزمه من الشكاره 

وطلبك هيخلص عن جداره 

قبل ما سماره ترجع الأداره

وتطلب توقيع شياخه لحاره

ولا ختم تانى من وزاره 

وقف عماره وهو حاسس بالمراره

وحلف لا بانى مصنع ولا عماره 

وهيسافر تانى للإيماره

قبل ما تنفجر فيه المرارهْ

ويموت والورثه يبقوا حياره 

لا عاش أبوهم 

ولا ساب حتى الشيكاره 

وأنا شغلتى منبهاتى

أصرخ وأهاتى 

تتغير الأحوال 

أصحى يا نايم أصحى

بقلم كابتن |سعيد عبد العزيز الحاجه