منديل ورق ********************************** اياك تكون منديل ورق ف ايدين خسيس او مدعى او حتى مبدع المعى شايلك ف جيب جلابيته او بدلته او شنطته مستنى دايما من هوانك تفته مقهور لعطسه ونفته وساعات يوطى بيك ويمسح جزمته اياك تكون ابدا كده او تنتمى اخرك ف صندوق الزبالة تترمى او حتى ع الاسفلت من ذلك تمللى وخسته اوعى تخاف او ترتضى من قهره او من سلطته او سطوته او من ضلالى مستخبى ف لحيته او محتمى ورا جبته او سبحته او يوم يغشك ان توبه مش طويل يادوبه ساتر ركبته خليك تمللى فكرتك صوتك وعيش شخصيتك اياك تكون اصداء لصوت او كل صوت ولاتطربك غير غنوتك اياك تدوب ف فكرته وتعيش شبيه شخصيته وتغنى لحظة غنوته اوعى المظاهر تخدعك وتعيش اسير ف دولته تتمنى سَمْته وهيئته او مشيته او ضحكته او لون شعوره وقَصِّته خللى ياولدى قدوتك سيد البشر سيدنا النبى ودا قدوتى ودا قدوتك وياريته يصبح قدوته هوه اللى حينور معالم سكتك ضى القمر امشى تمللى ف سكته احفظ كلامه وسنته حتعيش ف حضن محبته ولا تبقى يوم منديل ورق اخره ف صندوق الزبالة يترمى او يتحرق ... دكتور/أحمد مدحت جعفر