الكفيل
ليه حيتنا ماشيه بكفيل
من غير كفيل تبقى زليل
فى مرضك وشغلك عاوز كفيل
كل حاجه عاوزه كفيل
وفى الخارج عاوز كفيل
من غيره تبقى عليل
تستنى دورك يمكن سنين
وتموت والورثه يبقوا حيرانين
ولا حد يسأل أنتوا مين
لو أشتكيت للمسؤلين
محدش هيقولك أنت فين
أما لو فيه كفيل
مصلحتك تنتهى فى رمش عين
وهتبقى غزاله لو كنت فيل
والمركب هتمشى لو كنت فين
وشغلك هيخلص لو مستحيل
والصعب يبقى سلسبيل
بوجود حبيبنا الكفيل
دور على الكفيل
قبل ما تروح الدواوين
دى ملكيه ليهم من سنين
واليفطه غوث المحتاجين
وتحت أمر المطحونين
وهى تكيه للمجرمين
أبحث ودور عن كفيل
قبل ما يقولولك مستحيل
محتاجين شهاده من ميتين
ومسؤل توفى من سنين
وختم شيله واحد أمين
دور عليه وأبقى قولى
هو مين
بقلم كابتن |سعيد عبد العزيز الحاجه
