لو كان عندك شــك فى حبى
قومى بــــأيدك وافتحى قلبى
هتلاقى اسمــك جــــوا كيانى
والأحــــــلام وياكِ فى صلبى
أنا مش عايش غير علشانك
كــــــــل اللى بيشغلنى وصالك
نفسى يا عمرى أعيش أحلامك
واللحظات المُــرة تعــــــــــــدى
وأفضل جنبك اسمع صـــــوتك
أجمل لحظة يا عمرى وجودك
هأقبل والله بكل شــــــــروطك
بس بلاش الشــــك يا عمرى
لما تكونى بتضحكى بفــــرح
وأحجز للأحلام مية مطـــرح
أصل الشك يا عمرى بيجرح
وألقى عيـــــونى بتنده دمعى
هو أنا أصــــــــــلاً أقدر أفكر
إلا فى قلب حبيبى وأفـــــسر
أنت يا عمرى الأمـــل الأكبر
جوا مشاعرى وما أقدر أخبى
دايما عينى بتحكى حكـــايتى
دايماً أشوفك جـــــوا مرايتى
ولمـــــا بنام ويجينى خيالك
أصحى وصوتك لسه بيحكى
لو كان عندك شــك فى حبى
قومى بــــأيدك وافتحى قلبى
الشاعر / ناصر عبد المقصود
