والمسيح الحي
والحي المسيح
رغم إسلامي السميح
قلبي مشنوق ع المخدة
بيتلوي في الليل بشدة
والنهار صار دايرة
مشبوكة ف جدار
قطرين أنين
قطرين حنين
والتماس مفيش
تماس
صرت مشتاق
للتماس
درسولي في الرياضة
ان للدايرة محيط
ونص قطر وتماس
أو مماس
ودرسولي في العلوم
كل أشكال الحواس
واصلي معجون بالحواس
أصلي شاعر من جد شاعر
والشعر عندي،مش،نظوم
الشعر،بنيان من نظام
الشعر صورة طايرة
فوق كتاف حلم طاير
بيحك ريشة في السحاب
فاكرة ايدي والحمام
لما بوستك فوق شفايفك
بالكلام
قولتي ساحر
ومينفعش دلوقتي
الكلام
قلتي شاعر
وعيونة خضر
وضحكتة سكر كمان
وخطوتة زي الرذاذ
يحمل نسيم بعرق معطر
في،المكان
وف طلتة عزف عود
ويا الكمان
قولتلك أصلك بتول
كيف البتول يلمسها
غيرى
كيف
هو اللي كان كان زيف
عارفك كمان تغويني
والغية صنعة
ما يتقنها
غير الرجال
وصدق المثل
ما قال
قوي قلوب بالخوف
وأبوكي أصلة جبان
باعك كمان بالدين
باعك بسم الدين
لحمار وأصلة غشيم
بيقولوا عنة انة استاذ
في اللاهوت
واللا هوت أصلا
مجاز
دا بنطلونة سقط
يشبة بنطلون صافيناز
وأنا اللي من فوق سرتك
مربوط
وف قلبي منك وجع
يارحيق التوت
دا خجل البنات
في اتنين
حمرة الخدين
من كسوف الورد
والضد اصطناع
وبجاحة
وقباحة
ومن عرق جدار الملح
ب شقوق أرض الطين
بينضح في العشيق
سكوت
ومساس
دا العشق عاشق
في الأساس بأساس
فاكرة ايديا والحمام
لما بوستك فوق خدودك
بالكلام
في الكنيسة
وهما بيقولوا القداس
لمحتي أبوكي
جريتي برة
وانتي حرة
وأنا برة هناك
لقفتك
كسرت ضلعك
بين ضلوعي
وكان بطوعك
وبرضة طوعي
وعينيكي
عكاز الكمنجة
واللة ما يشوفهم حدا
ويفوت وينجة
والدليل هوا أنا
وجعني قلبي
جرحك شواربي
فوق خدودك
لما عضتلك
خدودك
فكرت أني أشيل
شواربي
أصلي مليان بالحواس
بس خفت من أبويا
انة يضربني ب مداس
2
المشهد الثاني
وبعد صلاة العصر
وأنا في الطريق
لإجتماع الشعر
كان يوم تلات
والغريبة اني
ما بهوي يوم التلات
أبويا يحلف يمين تلات
وأمي مرضت يوم تلات
ومرتي ماتت يوم تلات
قالتلي شاعرة هناك
مستنياك يوم التلات
واعمل حسابك
ع المبات
لازم تبات
كل الكلام الحلو
مولود ف السكات
م أنا واحدة برضة
وأنت حلو مش شكل
البنات
وبدي شوية
حاجات
رديت من غير
كلام بلاش يوم
التلات
مديت خطايا
من،فوق الحصي
بزيادة
وسبقنى ظلي فوق التراب
بضربة قدم وبيادة
وأنا الغريب علي ملكة
شريد و
أخاف إني أجرحة
كالعادة
مسيرة يستر في يوم جتتي
ستر،الشريف
والسادة
وسبقني طوق،
الحمام لهناك
طار الحمام
وحط علي ايدي
وحلف إني أرسمة
فرسمتة علي عودي
غوي الحمام رشفتي
سلمتلة،جيدي
وريحة،عرق تفاح
عدتلي أنا،حدودي
نبيذك،سكرة طعمة
عقد أناناس
يابنت الناس
وأنا،أخاف اللة
واللة،م خاف الناس
شيم،الرجال ستر النسا
وانتى ياتريزا ست،البنات
والنسا
وحلمي أنا،الملغوم
ما تقوم
خليك علي،حالك
كما المدام العسل
يبكي فراقة،الكاس
ورنت الاجراس
وقفت طعام الشوق
علشان تلوت وناسوت
ياتريزا أنا المكبوت
وجسدي فرشتك
في الذات
وقلبي في هواكي
تابوت
وعقدك من حروفي
علي جيدك تالوت
وناسوت
ياست البنات
نفسي علي فمك
ومن فمك حكايا،نايات
بوي يحلف يمين تلات
وانا ما بهوي
يوم التلات
مرتي ماتت يوم تلات
أمي مرضت يوم تلات
المشهد الثالث
ويوم التلات في المسا
دخلتني،نزلة برد
وتريزا طوال الليل
بتبعتلي،الحمام مراسيل
ياتريزا أنا،مرضان
أبوس،يدك أنا مرضان
وسور،الكنيس،عالي
وشجرة صار مشبوك
مافية،حد
وبابها كمان مقفول
متل الكلام في الضد
وأنتي،منعينك بحاجز
نار
وحياة،تراتيلك
دا عشقك
نار علي
نار
ولأدخل معاكي
فصول وفصول
وأقول
لشجر البرتقان
هناك
ياخد ريحتة من ريحتك
وبيدي،لأعطي،الحمام يدي
عشر سنابل قمح
ونسيت إن أنا مرضان
وبعد الليل مضى،نصة
رشيت الحرس،كلة
وخطوتي صبحت فرس
رقاص
طال،العناق،بنا
واللي،حصل
ع الجبين
مكتوب
عطيت،منقار الحمام فمي
رشف،الحمام الحلو
من فمي
وفم الشهد رشف دمى
وف ساعتين
وأقولة ما بحب،الدين
يعاود الحمام منقارة
من تاني،علي فمي
ياتريزا م أحب الدين
أنا كلي،ذنوب وذنوب
وزيدى من تاني ومن
تالت خلي ذنوبي تدوب
المشهد الرابع
ابوي قاللى كنت فين بالأمس
كنت فين بايت
ولية،شايفك كدا،خسان
شامم ريحتك،كدا واعرة
يفوح منها ريحة نسوان
ولية إنت كدة،
فرحان
ياابني انت مش
مرضان
يابويا كيف عاشق
في الهوي يمرض
وحبيبتة دكتورة
ب تلت شهادات
في الطب
وعلي ايديها
سال الغزال دمة
وقلبي،انفتح وانكب
يابوي ياريت كمان
وكمان
أمرض
علشان تقيسلي
النبض
ويكون المرض،واعر
كمان
وشديد
دا الفراق ثانية
ولو،واحدة
حنيني،ليها يزيد
وف شغف روحي،
خطي،روحي،
مروحلها
سيوف
وما،تتعب
ولا تتعب
وملتها يابوي دوني،
مسيحية ع الصليب
معقوف
وأنا،خارج،ومن دوني
لأني في هواها صب
ولأني قولك أنا
حفظة
أكيد صمة
من بيتي،
سيب،بيتي
ياابن ..ال.... ب
المشهد الخامس
ومشيت
ومن بكا أمي بكيت
علي قلبها الموجوع
وخفت ع الشريحة تضيع
م قلب أمي فية شريحة صنيع
عزاني،نبت ف حضن الحجر
علي بكا أمي،وطير
طبطب علي جناحة،
السفر توهان
شجر النخيل عالي
وأنا الغاوي من
صف النخيل رمشين
والقلب جلادة ف الغرام
واحدة،كذب اللى قال اتنين
وتريزا،أربع بنات،
بخمر الكرم،مصبوبة
ومكبوبة،في،عسل التين
وأنا الساقي،وأنا الشارب
وأنا،المجنون
وغيرتي واللة منكوبة
حداد سكين
الملم ضحكتي زادي
وأغني،تريزا دي بلادي
وأقول الشعر
دا عادي
بلغة الضاد
وأعزف كمان فوق
الكمان
وارسم كمان
أصل قالولى من زمان
جدك كدا كان وكان
وورثت،من جدي الحنان
والعيون الخضر
،والشعر الطويل
وعلو،المقام
ومن شباك الكنيس،
شافني الحمام
شافني الحمام
المشهد السادس
د الشاعر كريم زيدان
