مليت
مليت وقوفى على اعتابك
ياترى هتفتحى لى الباب
وتدخلينى جوه محرابك
الدنيا فى عيونى ضباب
خلينى من ضمن احبابك
خدينى صاحب ذى اصحابك
واحمينى من حلم كداب
ضمينى جواكى واحضنينى
وايدك بايدى وعلمينى
علمينى صلاة حبك
سكنينى جوه قلبك
تعبتنى كلمة بحبك
علمينى كيف دخول الباب
وعرفينى يعنى ايه محراب
يا ترى ايه جوه محرابك
وايه المستخبى ورا بابك
ياترى محرابك جواه صلاه
جواه دموع الم وياها اه
يعنى ممكن ادخل واتوب
ولا دخولى يزودنى زنوب
وانا عاشق لسانى يادوب
وافكر ليه واتعب نفسى
افتحى اشوف انا بنفسى
بس اياكى على تقسى
مش طالب اكتر م العلام
ولا حمل سهر ولا خصام
افتحى لى بالله بابك
ولا هموت متمنى نظره
من جوه محرابك
الشاعر /عزالدين جبريل
