علي عسكر يا حبيبة الشاعر حسن يا داخله من باب النبي وقت اما اعوزك ليه حبيبتي بتهربي اشمعنا انا !! واشمعنا طعم التمر فيكي بيتنهب وبينصلب على جدر بادئ ينحني بتعفني .. وفاحت روايحك ف الكفن يا حبيبة الشاعر حسن .. مات الغُنا والحب والشوق والهنا وبقيت انا.. واقف بطولي بلمح الوقت اللي عدّى ف مشيتك ايه اللي خلّى الجوع يرفرف ناحيتك ويزور مزارات الوجع كل اللي كانوا ف سندتك .. صبحوا (بجع) كانلك فرس .. بيصهلل المدنه ف وقت ماتركبي جايلك و فارد مركبي وبلف في توب الشجن .. يا حبيبة الشاعر حسن ريقك عطش .. فضيتي قُلة مشربي رحتي لاحضان اجنبي ورفضتي تيجي ناحية الواد اللي حبك من زمن ونسيتي انه ف ضحكتك زارع (وطن) ليه تحرميه من ضحكتك .. من وقفتك وياه قلبي اللي خد على وحدته صوت الحجر بكّاه ليه تنصبيلي المشنقة ؟! امتى حبيبتي هاترجعي لحضني بقا !! فارده حبال المشنقه ومسلمّه كنتي القصيدة الملهمه والغنوه والاشعار جوفك ف طميه نار وحيره ومَألمه كل الخفافيش ابتدت تسرق غصونك مننا راح تبعدك يوم عننا وتفرتكك مليون وطن مصر اللي طاهره طول حياتها دنّسوها بالوسن ..!! سرقوا الصبي من حِجر امه اللي اشتكى حضنك حبيبتي (شَكشَكه) .. وجروح كتيره معلّمه لسّاكي برضه مسلّمه وبتمشي ف دروب الفتن !؟ ياحبيبة الشاعر حسن مات اللي غنى غنوته قبل امّا يكتب قصته مات لما غابت بسمته .. واتخبى جوه الدار شهور واخدك غرور جابك لارض الشرنقه دبلت غصون السوسنه .. مات ال (هناك) .. ويا ال (هنا) وانا لسه برضه بسالك : اشمعنا انا ؟؟؟