الدنيا مدرسة ....
ملهاش لا باب ولا سور
و الزمن استاذ ....
و الكل ماضي حضور
و صباح يجر صباح
مليان الام و جراح
أما اللي عاش مرتاح
عمل لوحده طابور
فيها سعادة و شقى
و فيها الأحلام
فيها اللي راضي ب ورا
و رافض يكون قدام
و فيها اللي قال يا ترى
ايه باقي ف الايام ..؟
و فيها اللي عاش ف الدور
و فيها اللي داق م الصبر
و شربله مليون كاس
و فيها اللي عمره ابتدي
و فيها اللي عمره خلاص
و فيها اللي قال انا..
و فيها اللي عاش للناس
و فيها اللي قال معذور
و الكل ماضي حضور
سيد صادق
