انجرحنا .....  

و جرحنا معلم علينا 

حبينا ناس ... 

وطلعوا ناس ولاد لاذينا 

كنا ف حالنا عايزين نعيش 

اهو يوم معانا و يوم مفيش 

يوم تصيب أو يوم تطيش 

لينا و علينا ...  

عايشين ف دنيا صابرين عليها

حبة نعاندها و حبة نداديها 

و ساعات بنجري نبوس ايديها 

لو جت علينا .... 

و قابلنا ناس مش اي ناس

يبيعوا ناس ب أي ناس ... 

خلوها ماشيه عكس عكاس ... 

ضحكوا علينا .... 

قالوا الأماني على بر تاني

 قالولنا كاني وقالولنا ماني 

روحنا معاهم جينا نعاني ... 

عملوها فينا ... 

سيد صادق