بلدنا جميله؟! .. مشيها جميله
عايشه ف هوان
حاميها راميها والخوف ماليها
وشعب جعان
درسنا وسمعنا أن الفراعنه
ايام زمان
عملوا حضاره بكلمه واشاره
وكان اللي كان
ودلوقتي بقينا فينا اللي فينا
اختل الميزان
يا ميت خساره بعنا الحضاره
ف قعدة رهان .!!!
مليون قرار ف نور النهار
ف الليل يسيح
باشا و بيه طب عملوا ايه
خليك صريح..؟!!
شعر الشباب شاب م الجناب
وأصبح كسيح
النخوه ماتت والهمه نامت
والعزم.. ميح
والناس ف بيتها كرهت عيشتها
كله.. جريح
الناس و بصراحه لقت الراحه
جوه الضريح
سيد صادق
