(★★)ياللي كنت حبيب(★★)
خلاص نسيت عنواني
وتاه منك مكاني
وحضنك بينكر حناني
وبقيت غريب
كنت يوماتي ويايا
واللقمه بتقسمها معايا
وانفاسك هواها هوايا
لما كنت حبيب
تاهت بيك الخطاوي
وعرفت تآلف غناوي
وبالكدب عليا ناوي
وبقيت مريب
وانا اللي كنت بداري
واتحملت كدبك باختياري
امنتلك بطيبتي اتاري
جرحك ما بيطيب
خلاص مش هشغل بالي
ولا مره هتيجي ف خيالي
والدنيا بالامها تحلالي
ياللي كنت الطبيب
مررت حلو كاسي
وضاع مني احساسي
وفضي مكانك ع الكراسي
وشبابي افناه المشيب
عودني فراقك ابقا وحيد
ويومي من غيرك اصبح عيد
اه منك تعبتني يا عنيد
وكرهت فيك الملاعيب
الشاعر ..عادل عباس
