كتر الألـــــم بيعــــــلم الناس البكــــــــا
أصل الخــــــلايق ع الدمـــــوع متلككة
والهم أصبح عنكبوت جـــــــوا البيوت
رافض يســــــــافر والحيطان متمسكة
والليل طويل والضحك أصبح مستحيل
والشمس رافضة تبعت النــور الجميل
سر السعادة خلاص معـــــدش له دليل
ومفيش بديل وخيوطنا ســـودة مشبكة
أصل الولد كان نفسه يلقى فى يوم بلد
الشمس فيها منـورة وتكــــــــون سند
والضحكة فيها مصـورة طــــول الأمد
لكـن لقــــــــــــــــــاها بتشتكى متفككة
فيها الهمــــــــــــــــــــوم زى الغيـوم
مش راضية تصفى للبـشـــــــــــــــــر
والخــــــــــــــوف بيضحك فى العيون
طارح على خـــــــــــــــــدودها الصبر
ازاى نعيش فى وطن حيطانه مدربكة
إحنا السبب علشان مفيش أصــلاً أدب
حــــــرية يعنى الاحــترام تحت الطلب
لكن لقينا الكل ســــــــايـــق فى العجب
ووطنا ليه صبحت بيــــــــــوته مقسمة
يا عم فوق علشان نعيش باقى الزمــن
الهم ساكن جوا قوتنا والولاد هما التمن
والدمع ساكن فوق خدودنا زاد الألـــــم
أمتى هنضحك يا وطـــــــن ونفوق بقى
كتر الألـــــم بيعــــــلم الناس البكــــــــا
أصل الخــــــلايق ع الدمـــــوع متلككة
الشاعر / ناصـــــــــــــر عبد المقصود
