٤:٠٠ فجرا
مالك يا أمي
مرتبكة ليه
إيه اللي صابك
جرا معاكي إيه
إرجوكي قولي
وبلاش تغيبي عني في الجواب
عن سؤالي
قوليلي مالك فيكي إيه
مالك حزينة كدة ليه
وإيه ده ؟!
الدموع نازلة من عيونك ليه ؟
ويا ريتك ما قولتيها
ويا ريتك ما صارحتني
جملتك خرمت وداني
صدمتني ووقفتني تمثال ف مكاني
إزاي مش معقول
إزاى مات !
يا جماعة قولوا كلام معقول
ومال وجوهكوا حزينة ليه !
إستنوا طب هروح أرن عليه
هيرد عليا أكيد يعنى
هوا مردش عليا ليه ؟!
مهو كان متصل بيا مفيش تقريبا من ساعتين
وقالي متقلقيش معايا رصيد
يا لمضة يا طويلة البال
أنا عارف طبعك رغاااايي
مات إزاي ؟!
يإبن عمي روحت فين
مرجعتش البيت ليه
الكل حزين
٥:٠٠فجرا
طيب ممكن حد يحكيلي بالتدريج
هوا مات إزاي
عارفة والله انه قضاء وقدر ونصيب
بصيتي في عيوني وصارحتيني بالقصة
صدمتني بالدنيا يا أمي علي غفلة
وقولتي
إسمعي يا بنتي
إبن عمك كان ف الشاطبي
ومروح من شغله زي عادته
بيخاطر دايما عشان أهله
اللي طلع بيهم من الدنيا
وهو في أمان الله طلعوا عليه حرامية
طلبوا كل اللي معاه وهوا ياعيني إستسلم
وأيدلهم كل اللي ف جيبه وتعبه وشقاه
إستنجد بالبشر اللي حواليه ملحقش ياعيني يزعق بصوت مسموع
وإنغرس ف قلبه مفك شيطان
كان طمعان ف حبة فلوس /ف اللي معاه
روحت فين يإبن عمي
أكيد أنت دلوقتى ف مكان أمين (الجنة)
يارب تعجبكم
وياريت تعملوا share لو عجبكوا
ومستنية أراءكم
